МЕРЕКЕМЕН ҚҰТТЫҚТАДЫ
2023 жылғы 24 қазан күні Ш.Шаяхметов атындағы «Тіл-Қазына» ұлттық ғылыми-практикалық орталығының Бас директоры Мақпал Жұмабай еліміздің ұлттық ең ұлық мерекесі – Республика күнімен байланысты ұжым мүшелерін құттықтады. 1990 жылдың 25 қазанында қабылданған «Егемендік туралы» декларация барша қазақстандықтарды ата-бабаларымыздың сан ғасырлар бойғы асқақ арман-мұраты жолына біріктірген еді.
«Осы күннен бастап шекарамызды шегендеп, замана көшінде келе жатқан салт-дәстүрімізді, қастерлі мәдениетімізді, қасиетті тілімізді жаңғыртуға жол аштық. Қашанда тәуелсіздігіміз тұғырлы, елдігіміз ғұмырлы болып, халқымыздың ынтымақ-бірлігі арта берсін», – деді МақпалҚұрманжанқызы.
Қазақстан Республикасы Ғылым және жоғары білім Министрінің Құрмет Грамотасымен еліміздің білім және ғылым саласын дамытуға елеулі үлес қоса отырып, өркендеу жолында атқарған абыройлы еңбегі мен адал қызметі үшін Гүлнәр Омарова, Гүлнәз Төкенқызы, Дәулеткерей Құсайынов марапатталса, Министрдің Алғыс хатына Арнагүл Балташева, Нұржан Сейсенбек, Жанар Байділдина ие болды.
Барша әріптестерімізді мерекемен шын жүректен құттықтаймыз!
