Қостанайлықтар сертификат алды
22.4.2019
2934
19 сәуір күні Қостанай қаласында Қазақстан Республикасы Мәдениет және спорт министрлігі Тіл саясаты комитеті Ш.Шаяхметов атындағы «Тіл-Қазына» ұлттық ғылыми-практикалық орталығының ұйымдастыруымен өткен «Жаңа емле: құрылымы мен мазмұны» атты латыннегізді қазақ жазуын меңгертуге Тіл оқыту орталықтарының тренерлерін (оқытушыларын) оқытуға арналған семинар аяқталды.
Семинар соңында тыңдаушыларға сертификат тапсыру рәсімі барысында Ш.Шаяхметов атындағы «Тіл-Қазына» ұлттық ғылыми-практикалық орталығының ғалым хатшысы Гүлфар Мамырбек:
- «Жаңа жазуды меңгеру барысында әрбір адам, ең алдымен, барынша жылдам әрі сауатты жазу және қарқынды оқу дағдысын қалыптастыру қажеттілігі туындайтындығы белгілі. Сол себепті жаңа емлеге сәйкес түзілген тапсырмалар жүйесі негізінен жазылым және оқылым дағдыларын меңгертуге бағытталды. Жазылым тапсырмалары қолдағды қалыптастыра отырып, емле ережелерін меңгертуге көмектессе, оқылым тапсырмалары көздағды қалыптастыру арқылы қармап оқуға баулитындығына көзім жетті. Міне, сіздер екі күнде қойылған тапсырмаларды толық игердіңіздер деген ойдамын»-, деп ойын түйді.
Семинарға келген өңірдегі оқыту орталықтарының оқытушылары мен әдіскерлеріне сертификаттар табысталды.
