ЭКСПЕДИЦИЯ: АХАҢ ЖҮРІП ӨТКЕН ЖОЛМЕН
13.9.2022
815
Бүгін Ұлт ұстазы, ұлы Ахаңның 150 жылдық мерейтойы аясында «Ахаң жүріп өткен жолмен...» атты экспедиция жолға шықты. Экспедиция құрамында ахметтанушы ғалымдар, зиялы қауым өкілдері мен БАҚ өкілдері бар. «Тіл-Қазына» ұлттық ғылыми-практикалық орталығының бас директоры Ербол Ердембекұлы ақжолтай тілегін айтып, шығарып салды.
Нұр-Сұлтан қаласының тілдерді дамыту және архив ісі басқармасының ұйымдастыруымен басталған қасиетті сапардың бағыты Нұр-Сұлтан – Әулиекөл – Қостанай – Арқалық – Бидайық – Торғай – Ақкөл – Арқалық – Нұр-Сұлтан. Экспедиция 17 қыркүйекке дейін жалғасады.
Алдағы уақытта экспедиция құрамында жолға шыққан әріптесіміз, Редакциялық баспа басқармасының басшысы Дәулеткерей Атауұлы арқылы сапар барысын баяндап отыратын боламыз.
