МЕМЛЕКЕТТІК ТЕРМИНОЛОГИЯ КОМИССИЯСЫНЫҢ КЕЗЕКТІ ОТЫРЫСЫ ӨТТІ
19.12.2022
910
Мемлекеттік терминология комиссиясының ағымдағы жылғы 4-отырысы өтті.
Комиссия отырысында күн тәртібіне сәйкес Қазақстан Республикасы Ауыл шаруашылығы министрлігі ұсынған өсімдік атаулары, «100 жаңа оқулық» жобасындағы әлеуметтану және бизнес салалары, сондай-ақ мектеп бағдарламасы бойынша оқытылатын цифрлық сауаттылық, информатика пәндерінің терминдері қарастырылды.
Бекітуге ұсынылған терминдерге ғылыми-лингвистикалық сараптама жасалып, алдын ала талдау үшін termincom.kz сайтындағы «Алаң» платформасына орналастырылды.
Отырыс барысында гаолян – құмайтары, эстрагон – шыралжын, социальное взаимодействие - әлеуметтік өзара іс-қимыл, перекрестие критических анализов – сыни талдаулар тоғысы, деструктивный фидбэк – деструктивті кері байланыс, топикальное предложение - мәністік сөйлем, интерактивный маркетинг – интерактивті маркетинг, видеоадаптер – бейнебейімдеуіш, встроенное ветвление – кірістірілген тармақталу сияқты 800-ден аса термин бекітілді.
Комиссия бекіткен терминдер termincom.kz сайтына орналастырылады.
