Осы айдар көркін Л.Н.Гумилев атындағы ЕҰУ қазақ әдебиеті кафедрасының меңгерушісі, филология ғылымдарының кандидаты Қайырбек Кемеңгердің «Дүкенбай Досжанның «Мағжанды өлтіргендер» шығармасындағы көркемдік шындық пен деталь» атты бұрын-соңды еш жерде жарияланбаған мақаласы аша түседі. Аты айтып тұрғандай, автор ақын тағдыры туралы көркем шығармаға терең талдау жасайды.

«Таным» бөліміндегі ұлт ұстазы, қазақ тіл ғылымының атасы Ахмет Байтұрсынұлы туралы жарық көрген материалдар: филология ғылымдарының докторы, профессор Шапағат Жалмахановтың «Ахмет Байтұрсынұлының оқу-ағартушылық қызметі» мен филология ғылымдарының докторы, профессор Жантас Жақыповтың «Қазақ руханиятын құтқарушы» мақалаларының оқырман көңіліне жол табары сөзсіз. Сондай-ақ, Алаштанушы ғалым Айдын Рысбекұлының «Беймәлім алаш: Мұхтихар Титақов» туындысы тарихи деректерінің молдығымен бірден баурап алады.

«Әдістеме» бөлімінде ҚР Кіші ғылым академиясының вице-президенті, педагогика ғылымдарының докторы, профессор Н.Оразахынова «Тіл саласындағы жаңа технологиялары» хақында, ал КИМЭП Университетінің профессоры, филология ғылымдарының докторы З.Ерназарова «Қазақ тілін оқытудың аксиологиялық бағыты» жөнінде сөз қозғайды.

Бұдан басқа «Талқы» және «Сөз өнері» айдарында латыннегізді қазақ әліпбиінің пайдасы мен қатері, интермәтіндік және прецендентілік феномендерінің фольклоризмге қатысы туралы жан-жақты айтылады.

Жас ғалымдардың қаламынан туған мақалаларға да орын берілген.