Бұдан басқа Республикалық терминология комиссиясының осы жылғы 2 маусымдағы отырысында бекітілген терминдер берілген.

Өткен ғасырдың басындағы отандық терминологияның дамуы туралы сөз болғанда Елдес Омарұлының есімін ерекше аталады. Ол ұлттық ғылым тілінің дамуына, қазақ терминологиясының қалыптасуына тікелей атсалысып, бұл салаға қатысты құнды ғылыми еңбектер жазған алаш зиялыларының бірі. «Мұра» бөлімінен бойынша Елдес Омарұлының Қазақ білімпаздарының тұңғыш съезінде қазақша пән сөздер тақырыбына жасаған тамаша баяндамасын қайта оқып шығуға мүмкіндік аласыз.

Қазақстан Республикасы Заңнама және құқықтық ақпарат институты Лингвистика орталығының бас ғылыми қызметкері, филология ғылымдарының докторы, профессор Құдайберген Тұрсын «Ұлттық тіл білімінің негізін қалаушы» мақаласында ұлт ұстазы Ахмет Байтұрсынұлы туралы ой толғаса, Ахмет Байтұрсынұлы атындағы Тіл білімі институтыТерминология орталығының жетекшісі,филология ғылымдарының кандидаты, доцент Сәрсенбай Құлманов қуғын-сүргін кезеңіне қатысты терминдердің қолданысы хақында қалам тербейді.

Тұрақты авторымыз, белгілі лингвист Серік Ерғалидың «Көкейтесті» айдарындағы туындысы тілдің алтын көпірі – аударма мәселесіне арналса, жазушы, журналист, аудармашы Абай Мауқараұлы Хамзатегінің «Терминсөз яки жасамсөз» мақаласы, аты айтып тұрғандай, сала мәселесін қозғайды.

Сондай-ақ, түрік тіліндегі «ал» түсінің қолданысы туралы білгіңіз келсе, немесе география ғылымын мемлекеттік тілде терминдендіру мәселесімен танысуға ықыласыңыз ауса, онда бюллетеннің бұл саны Сізге жақсы жәрдемші бола алады. Ұлттық терминқор қалыптастыру, жүйелеу, реттеу, біріздендіруге қатысты кейбір мәселелері мен экономика және қаржы терминологиясындағыпроблемалар да назардан тыс қалмаған.

Бюллетеннің толық мазмұнымен мына сілтеме бойынша танысуға болады: https://tilalemi.kz/tartu/one/1193