«Тәуелсіз Қазақстанның өркендеуі Негізгі Заңның барлық қағидаларын жүзеге асырумен байланысты. Конституцияның қабылдануымен елімізде демократиялық, құқықтық, әлеуметтік, зайырлы мемлекет құру бағыты айқындалды. Ата Заң халқымыздың ырысты ынтымағының нышаны, еліміздің одан әрі дамуы мен гүлденуінің іргетасы болып табылады»,– деді Мақпал Құрманжанқызы.

Ғалым хатшы Нұрлыхан Айтова Қазақстан Республикасының ғылым саласындағы ерекше еңбегі үшін «ҒЫЛЫМДЫ ДАМЫТУҒА СІҢІРГЕН ЕҢБЕГІ ҮШІН» төсбелгісіне ие болды.

Еліміздің білім және ғылым саласын дамытуға елеулі үлес қоса отырып, өркендеу жолында атқарған еңбегі мен адал қызметі үшін Қазақстан Республикасы Ғылым және жоғары білім министрінің Алғыс хаты Қолданбалы лингвистика бөлімінің басшысы Софья Омарова, халықаралық байланыс және PR бөлімінің дизайнері Сания Баубек, Тіл HUB техник-бағдарламашысы Нұрсұлтан Еламановқа табысталды.