ШЕКАРАШЫЛАР ТАНЫМДЫҚ САБАҚТА
21.9.2023
528
Атырау облыстық «Тіл» оқу-әдістемелік орталығында «Мемлекеттік тілді оқыту» курсының тыңдаушылары – ҚР ҰҚК Шекара қызметінің Атырау облысы бойынша департаменті қызметкерлерінің қатысуымен ұлт ұстазы, қазақ лингвистикасының ұлы реформаторы Ахмет Байтұрсынұлының ұлағатты өмірі мен қызметіне арналған танымдық сабақ өтті.
Ахмет Байтұрынұлын насихаттау, атқарған еңбектері, қызмет жолымен кеңірек таныстыруды мақсат еткен сабақ барысында тыңдаушылар жұптық, топтық жұмыс жасай отырып, құнды ақпараттар алды, ой алмасты. Сонымен қатар ұлы тұлғаға арнап көрме ұйымдастырылып, шығармаларынан үзінділер оқылды. Іс-шараны Орталықтың оқытушысы, білікті маман Жұмажан Разимқызы Бекбосынова жүргізді.
