«ӨҢІР ОНОМАСТИКАСЫ» БАЙҚАУЫ
Атырау облыстық «Тіл» оқу-әдістемелік орталығының ұйымдастыруымен Н.Жантөрин атындағы филармонияда «Өңір ономастикасы» облыстық байқауы өтті. Үш кезеңнен тұрған сайыс мемлекеттік органдардағы «Қазақстан Республикасындағы тіл туралы» Заңы талаптарын жүзеге асыруды көздей отырып, жергілікті атқарушы органдардағы тіл саясатымен айналысатын бөлімдердегі ономастика саласындағы жұмыстарды күшейтуді, жетілдіру және дамытуды көздейді.
Додаға Атырау қаласы мен жеті ауданынның жергілікті атқарушы органдарында қызмет істейтін мамандардан құралған топтар қатысты, онда өңірдің тарихы, ономастикалық атаулары жөніндегі сұрақтарға жауап беріп, өзара білім-біліктерін сынасты.
Байқау қорытындысы бойыншаІ орынды Махамбет ауданы жеңіп алса, ІІ орынды Қызылқоға ауданы, ІІІ орын Исатай ауданы және Индер аудандары өзара бөлісті. Ал, жеңіске деген ынтасы үшін Орталықтың Алғысхатымен «Мұнара» (Атырау), «Құрманғазы» (Құрманғазы ауданы), «Мұнайлы өлке» (Мақат ауданы) командалары марапатталды.
