ХАЛЫҚАРАЛЫҚ ҒЫЛЫМИ СИМПОЗИУМҒА ҚАТЫСТЫ
2023 жылғы 17 қазан күні Ш.Шаяхметов атындағы «Тіл-Қазына» ұлттық ғылыми-практикалық орталығы «Абай институтының» жетекшісі А.Орманова мен Әдістеме басқармасының жетекші ғылыми қызметкері Л.Демесінова Назарбаев Университетінде өткен «Білім беру және тіл үйретудегі заманауи тенденциялар» атты халықаралық ғылыми симпозиумның жұмысына қатысты.
"Абай институтының" жетекшісі Айгүл Орманова «Шетелдегі қазақ диаспорасы мен ирреденттерге арналған қазақ тілін үйретудің әдістемесі қалыптасты» тақырыбында баяндама жасаса, Әдістеме басқармасының жетекші ғылыми қызметкері Ләйлә Демесинова «Тіл үйретуде Soft Skills (жеке тұлғалық дағдылар) қалыптастыру әдістемесі» тақырыбында баяндама жасады. Әсіресе, шетелдегі офлайн сыныптар мен «Қазақ тілі» әмбебап оқулығы, тіл үйретудегі тиімді әдіс-тәсілдер жайлы айтылды.
Шара соңында сертификат табысталды.
