1. Жалпы ережелер

1. «Текті сөздің төресі – терме» жыршы-термешілер республикалық конкурсы (бұдан әрі – конкурс) қазақстандықтардың тіл мәдениетін дамытуға және ұлттық дәстүр мен өнерді насихаттауға бағытталған.

Конкурс жылдың бірінші жартыжылдығында жарияланады және «Қазақстан Республикасындағы кәсіптік және өзге де мерекелер туралы» Қазақстан Республикасы Президентінің 1998 жылғы 20 қаңтардағы № 3827 Жарлығына сәйкес Қазақстан халқы тілдерінің күніне орай өткізіледі.

2. Конкурсты өткізудің мақсаттары:

1) қазақстандықтардың сөйлеу мәдениетін қалыптастыру;

2) ұлттық жанрды дамыту;

3) «жыр-терме» ұлттық жанрын жастардың арасында насихаттау.

3. Конкурсқа облыстардан және Астана, Алматы қалаларынан 16-35 жас аралығындағы бір үміткерден қатысады.

4. Алдыңғы конкурстардың бас жүлде және І орын жеңімпаздары конкурсқа қатыстырылмайды.

2. Конкурсты ұйымдастыру тәртібі

5. Қазақстан Республикасы Мәдениет және спорт министрлігінің Тілдерді дамыту және қоғамдық-саяси жұмыс комитеті (бұдан әрі – Комитет) конкурстың ұйымдастырушысы болып табылады.

6. Конкурс жергілікті атқарушы органдардың (Тілдерді дамыту басқармалары) жәрдемдесуімен өткізіледі.

7. Конкурсты өткізу туралы хабарландыру жылдың бірінші жартыжылдығында бұқаралық ақпарат құралдарында жарияланады және Қазақстан Республикасы Мәдениет және спорт министрлігінің интернет-ресурсында орналастырылады.

8. Конкурсқа қатысу үшін жазбаша өтінім конкурс жарияланғаннан кейін Комитетке облыстардың, Астана және Алматы қалаларының жергілікті

атқарушы органдарымен (Тілдерді дамыту басқармалары) 2017 жылғы 1 қыркүйекке дейін мынадай құжаттармен бірге беріледі:

1) өтінім (осы Қағидаға қосымшаға сәйкес нысан бойынша);

2) жеке куәліктің көшірмесі;

3) орындалатын шығарманың мәтіні.

9. Қағиданың 8-тармағында көрсетілген мерзімнен кейін ұсынылған өтінім конкурсқа қатыстырылмайды.

10. Комитетке ұсынылған құжаттар қайтарылмайды.

11. Үміткерлерге келесі тақырыптық бағыттар ұсынылады:

1) ел бірлігі туралы;

2) Алашорданың 100 жылдығы туралы;

3) Қазақстан халқын топтастырудағы тілдің маңызды рөлі туралы.

3. Қорытынды ережелер

12. Конкурс жеңімпаздары мен жүлдегерлерін анықтау үшін халық өнері шеберлерінен, қоғам қайраткерлерінен және қоғамдық ұйымдардың өкілдерінен қазылар алқасы құрылады.

13. Қазылар алқасы қатысушылардың өнерін бағалау кезінде төмендегі талаптарды ескереді:

1) орындалатын шығарманың ұсынылған тақырыптарды қамтуы мен өзектілігі;

2) шығарма мазмұнының тереңдігі;

3) шығарманы орындау шеберлігі;

4) тіл нормасының сақталуы;

5) сахна мәдениеті.

14. Конкурс жеңімпаздары мен жүлдегерлері арнайы дипломдармен, алғысхаттармен және ақшалай сыйлықтармен марапатталады.

15. Конкурстың жеңімпаздары мен жүлдегерлері туралы ақпарат бұқаралық ақпарат құралдарында және Қазақстан Республикасы Мәдениет және спорт министрлігінің интернет-ресурсында орналастырылады.

«Текті сөздің төресі – терме»

жыршы-термешілер республикалық конкурсын өткізу қағидаларына

қосымша

«Текті сөздің төресі – терме» жыршы-термешілер

республикалық конкурсқа қатысу үшін өтінім

1. Т.А.Ә. ______________________________________________________________

2. Жасы ______________________________________________________________

3. Жынысы ___________________________________________________________

4. Білімі ______________________________________________________________

5. Жұмысы ____________________________________________________________

6. Мекенжайы__________________________________________________________

7. Байланыс телефоны___________________________________________________

8. Наградалары________________________________________________________

9. Фотосурет (электрондық нұсқасымен бірге)

Қолы

Күні