Жоба жеңімпаздарын жариялайды
27.6.2017
2930
Қазақстан Республикасы Мәдениет және спорт министрлігі Тілдерді дамыту және қоғамдық-саяси жұмыс комитетінің Ш. Шаяхметов атындағы тілдерді дамытудың республикалық үйлестіру-әдістемелік орталығы «Өз өніміңді ұсын да, өркендеуге үлес қос» жобасының жеңімпаздарын жариялайды.
«Тілдік-мәдени танымдық тележоба» аталымы бойынша «Media Promotion-Z» ЖШС-нің «Енші» телебағдарламасы үздік деп танылды.
Ал балаларға арналған анимациялық фильм (мемлекеттік тілді үйретуге арналған) әзірлеу бойынша «Baqorda.kz» медиа компаниясының «Сөз қазынасы» мультсериалы жеңімпаз атанды.
Мемлекеттік және орыс тілдеріндегі құжат айналымының автоматтандырылған электронды базасын жасау жұмыстарын Мемлекеттік тілді дамыту институты жеңіп алды.
«Үш тілді сайт құру» бойынша «ХБО «EDTECH-kz» ЖШС-нің ұсыныстары үздік деп танылды.
Төл тіліміздің мәртебесін көтеріп, аудиториясын кеңейтуге бағытталған жоба жұмысына сәттілік тілейміз!
